Os portos do Espazo Atlántico poden converterse en “laboratorios” dixitalizados de enerxías renovables, preparándose para abastecer de electricidade limpa aos buques e aos seus concesionarios, e para facilitar a conexión e proba de prototipos destas enerxías, aproveitando os recursos locais e a proximidade ao mar.
ENEPORTS propón tres pilotos demostrativos nos portos de Ferrol, Granadilla (Tenerife) e Leixões (Porto) para examinar como a dixitalización e a IA poden contribuír á xestión eficiente dos fluxos de enerxía; e estudará novas estratexias de descarbonización mediante o hidróxeno e un dispositivo que combine a xeración de enerxía undimotriz, corrente, solar e eólica.
ENEPORTS abordará os requisitos administrativos, os posibles impactos económicos, sociais e ambientais; e os retos tecnolóxicos de operar sistemas híbridos con diferentes fontes e demandas enerxéticas variables, con foco no seu despregamento ordenado.
