Presentación e ubicación Xeográfica

 

Situado ó norte da provincia da Coruña, o porto de Ferrol é o porto de maior actividade comercial dos que xestiona a Autoridade Portuaria de Ferrol-San Cibrao.

O Porto de Ferrol domina a ría do mesmo nome que baña as costas dos Concellos de Ares, Mugardos, Fene, Neda, Narón e Ferrol e á que se accede entre a Punta Coitelada e o Cabo Prioriño Chico, lugar no que está situado o Porto Exterior. Debido a súa estratéxica posición xeográfica, ó abrigo que lle ofrece a ría, acolle un tráfico continuo de buques mercantes, pesqueiros, militares e embarcacións de recreo.