.:: Autoridade Portuaria de Ferrol - San Cibrao ::.

ESTA SEMANA LEVOUSE A Cabo UNHA XORNADA DE SENSIBILIZACIÓN QUE CONGREGOU A Gran PARTE DA COMUNIDADE PORTUARIA

A ACCIÓN ENMÁRCASE DENTRO DO COMPROMISO DA AUTORIDADE PORTUARIA CO RESPECTO Ao MEDIO AMBIENTE

A Autoridade Portuaria de Ferrol-San Cibrao iniciou os traballos para desenvolver a implantación dun modelo de xestión ambiental baseado na norma ISO 14001. O Porto de Ferrol dótase desta norma co obxectivo de dispor dunha ferramenta eficaz para a sistematización das súas medidas xa existentes en cumprimento da normativa ambiental.

A iniciativa xorde do interese e a necesidade exposta, tanto desde a Autoridade Portuaria como por parte da Comunidade Portuaria, de dar apoio e un novo impulso ás medidas de xestión ambiental desenvolvidas no porto. Con motivo desta orientación, a Autoridade Portuaria de Ferrol-San Cibrao organizou esta semana unha Xornada de Sensibilización en Xestión Ambiental dirixida a informar do proxecto e involucrar a todos os compoñentes da Comunidade Portuaria e que contou cunha moi importante representación de usuarios e clientes do porto.

Dentro do plan de traballo para a consecución da certificación, leváronse a cabo as fases de diagnóstico e elaboración da documentación nas que se analizaron aspectos como, por exemplo, a xestión adecuada dos residuos nas distintas áreas do Porto de Ferrol. Actualmente estase desenvolvendo a implantación do sistema. Segundo a previsión, tras realizar a auditoria interna, a finais de ano poderíase optar á certificación.

O obxectivo da Norma ISO 14001 é a protección ambiental e a prevención e utilización dos medios necesarios para evitar, reducir ou controlar a contaminación, pero sempre en equilibrio coas necesidades socioeconómicas.

Pioneiros en sistemas de xestión

A Autoridade Portuaria de Ferrol-San Cibrao decidiu emprender fai uns anos o camiño cara á excelencia, adoptando entre outras medidas o modelo EFQM de excelencia como ferramenta de xestión. Fai uns meses recibiu este de Excelencia Europea na Xestión cunha puntuación de 400 . O selo certifica o alto nivel dos servizos prestados polo Porto aos distintos sectores empresariais, así como a magnitude da súa infraestrutura e proxectos, e a profesionalidade dos seus traballadores.

No marco deste modelo, que inclúe a xestión das relacións da Autoridade Portuaria coa Sociedade, o Sistema de Xestión Ambiental intégrase no Sistema de Xestión da Calidade xa implantado.