A xornada do luns, na que dous cruceiros visitaron a cidade de Ferrol por primeira vez, estivo marcada por un dispositivo especial de actuacións que completaron un día histórico para a cidade.
Entre as actividades organizadas pola Autoridade Portuaria levou a cabo un Fam Trip (excursión de familiarización), organizado en colaboración co operador de turismo da naviera Royal Caribbean Cruise Lines, que levou a varios membros do equipo de excursións, entre outros, do buque " Independence of the Seas" a coñecer a riqueza das comarcas, cunha parada en San Andrés de Teixido que sorprendeu pola súa beleza, paisaxe, tradición e produtos. Espérase que no futuro esta poida ser unha nova excursión que as navieras ofrezan nas súas escalas en Ferrol, como xa o é a do Arsenal e Prioriño.
Ademais, houbo actividades dirixidas aos membros da tripulación dos buques, como foi o torneo de fútbol 7 que levou a cabo entre as tripulacións do "Independence of the Seas" e do "Discovery" e un equipo de voluntarios da Autoridade Portuaria, que quedou campión deste campionato amigable. Deste xeito estreitáronse lazos nunha xornada lúdica na que o persoal do buque tamén gozou de Ferrol e a súa xente.
E que mellor forma de culminar un gran día que achegar aos turistas parte do folclore galego de man dun grupo de gaitas que deleitou coa súa música o adeus dos cruceristas. Ademais, na saída de cada buque ao seu paso entre castelos, foron despedidos con honras coas salvas de soldados dieciochescos dispostos pola Autoridade Portuaria en colaboración coa Asociación Batalla de Brión.
A Autoridade Portuaria está satisfeita co desenvolvemento destas actividades que contribuíron ao éxito das escalas e a que as futuras visitas a Ferrol e as súas comarcas poidan sacar maior proveito deste turismo, principal obxectivo marcado na estratexia conxunta coa Xunta de Galicia.
