.:: Autoridade Portuaria de Ferrol - San Cibrao ::.

A RESPOSTA DA CIUDANÍA, HOSTALERÍA E COMERCIO FOI EXCELENTE
Os TURISTAS QUE VIAXABAN A bordo DO "INDEPENDENCE OF THE SEAS" E O "DISCOVERY" GOZARON DA CIDADE GRAZAS Ao DISPOSITIVO DESEÑADO POLA AUTORIDADE PORTUARIA DE FERROL-SAN CIBRAO EN COLABORACIÓN COA XUNTA DE GALICIA, A través de TURGALICIA, A ASOCIACIÓN DE COMERCIANTES DE FERROL, A ASOCIACIÓN DE EMPRESARIOS DE HOSTALERÍA E O PLAN DE DINAMIZACIÓN DO PRODUTO TURÍSTICO FERROL-ORTEGAL

Ferrol recibiu a visita de dous transatlánticos, por primeira vez na súa historia, nunha mesma xornada. A resposta non puido ser mellor, tanto por parte da cidadanía como da hostalería e o comercio ferrolán. Os máis de 5.000 visitantes que suman os pasaxeiros do"Independence of the seas" o máis grande dos que recalan en portos galegos, así como os do buque "Discovery", gozaron onte dunha xornada de sol na cidade naval.


O presidente da Autoridade Portuaria de Ferrol- San Cibrao, Angel del Real e Carmen Pardo, secretaria Xeral para o Turismo, xunto a outros invitados, foron recibidos polo capitán do"Independence of the seas" da naviera americana Royal Caribbean, que afirmou sentirse moi satisfeito coa súa primeira visita a Ferrol.


Dispositivo especial
Para esta gran ocasión habilitouse un plan especial co obxectivo de sacarlle o maior rendemento turístico ao evento, así como co fin de abrir portas a futuras visitas. O plan foi coordinado pola Autoridade Portuaria de Ferrol-San Cibrao en colaboración coa Xunta de Galicia, a través de TurGalicia, a Asociación de Comerciantes de Ferrol, a Asociación de Empresarios de Hostalería e o Plan de Dinamización do Produto Turístico Ferrol-Ortegal.


Entre as accións que se levaron a cabo, destacan as que tiveron lugar na propia dársena. Ademais de achegar aos visitantes todo tipo de información turística a pé de buque, facilitouse a visita dos pasaxeiros á zona do Barrio da Magdalena, cun servizo de buses lanzadeira, dotado de ata 6 vehículos que prestaron servizo ininterrompidamente.


Tanto os cruceristas como os propios ferroláns que se achegaron á dársena para non perderse esta estampa espectacular do porto, gozaron das casetas e terrazas habilitadas en Curuxeiras para a venda de produtos, que se puxeron a disposición de comerciantes e hostaleiros obtendo unha moi boa resposta. Ademais houbo excursións, como ao Arsenal Militar, por primeira vez, a Exponav e a Cabo Prioriño onde visitaron as baterías defensivas.


Para a Autoridade Portuaria trátase dun día crave na súa estratexia, apoiada pola Xunta de Galicia, co fin de que Ferrol creza no sector de cruceiros e que a cidade e as súas comarcas véxanse diso.