.:: Autoridade Portuaria de Ferrol - San Cibrao ::.

A AUTORIDADE PORTUARIA PARTICIPOU ACTIVAMENTE NESTA INICIATIVA DE EMPRESA-UNIVERSIDADE EXPLICANDO O FUNCIONAMENTO DA INFRAESTRUCURA ASÍ COMO AS SÚAS POTENCIALIDADES COMO DINAMIZADORA DA ECONOMÍA

A Autoridade Portuaria de Ferrol-San Cibrao participou estes días, activamente e como patrocinador, na VII Xuntanza Tecnolóxica Empresa-Universidad.

Entre as iniciativas desenvolvidas polo Porto de Ferrol, destacou a visita que parte dos integrantes -preto de corenta- realizaron ás instalacións do Porto Exterior, onde puideron coñecer de preto a magnitude da infraestrutura así como o funcionamento habitual dunha rada destas dimensións.

Ademais, dende o departamento Comercial e de Desenvolvemento, impartiuse unha charla na que se transmitiron as potencialidades da dársena como dinamizadora da economía de Ferrol e as súas bisbarras máis próximas.

Como é habitual, o Porto de Ferrol enmarca este tipo de actuacións na súa estratexia de abrir as portas das instalacións á cidadanía e aos estudantes.