Varios directivos do Porto chinés de Ningbo, entre os que se encontraba o vicepresidente desta Autoridade Portuaria, Dai Minwei, visitaron o Porto de Ferrol este fin de semana, encontro que contou coa asistencia de Fernando González Laxe, presidente do Portos do Estado; Joaquín Varela, director xeral do IGAPE, Alejandro Langtry, director do Plan Ferrol del Igape e Angel del Real, presidente da Autoridade Portuaria de Ferrol-San Cibrao.
O obxecto da visita, posposta no seu día debido a problemas de tráfico aéreo, foi coñecer en primeira persoa as principais magnitudes de Caneliñas, que foran adiantadas nunha misión levada a cabo no mes de febreiro. O porto chinés é un dos primeiros lugares do mundo en volume de tráfico.
Esta cidade asiática é unha das zonas económicas máis puxantes de China e o obxectivo do porto ferrolano e do Igape é a busca de colaboracións que poidan converter a Ferrol nuns dos seus centros de actividade e de investimento no continente europeo.
Durante a xornada do domingo, ademais de visitar o Porto Exterior de Ferrol, o equipo directivo de Ningbo realizou tamén un percorrido pola zona industrial de Ferrol e a súa bisbarra.
