A Autoridade Portuaria impulsa Ferrol e as súas bisbarras como destino para cruceristas na feira Seatrade
[03/12/2010] Autoridade Portuaria
|
AS PERSPECTIVAS DE CRECEMENTO DA DÁRSENA NESTE SECTOR SON POSITIVAS DE CARA AOS PRÓXIMOS ANOS
O EVENTO, LEVADO A CABO EN CANNES, É O ENCONTRO ANUAL MÁIS IMPORTANTE DO SECTOR EN EUROPA
|
|
O Porto de Ferrol participou esta semana na feira Seatrade, celebrada en Cannes (Francia), onde se deron cita as navieiras, operadores e terminais máis relevantes do panorama crucerístico europeo.
A Autoridade Portuaria de Ferrol-San Cibrao está inmersa nunha estratexia de relanzamento da dársena ferrolana como escala de cruceiros. Durante estes días en Cannes, a cita europea do sector máis importante de Europa, fixo importantes contactos e mantido reunións con potenciais clientes para Ferrol.
Neste sentido, as perspectivas da dársena son optimistas de cara aos próximos anos, nos que se espera estabilizar Ferrol como destino e incrementar o número de escalas efectuadas no porto. Para os representantes da Autoridade Portuaria, a importancia de gañar terreo neste campo céntrase fundamentalmente, na gran repercusión económica e turística que exerce na zona, co obxectivo de contribuír á dinamización do sector.
Durante este exercicio visitaron Ferrol dous cruceiros e para o próximo exercicio pecháronse xa tres escalas, aínda que non se descarta que poida xurdir algunha máis.
Esta actuación enmárcase dentro da colaboración co IGAPE sobre a base do convenio subscrito no marco do Plan Ferrol.
|
|
