.:: Autoridade Portuaria de Ferrol - San Cibrao ::.

MARCO WANG, PRESIDENTE DA ENTIDADE, VISITOU A TERMINAL EXTERIOR ESTA MAÑÁ XUNTO AO PRESIDENTE DA AUTORIDADE PORTUARIA, ANGEL DEL REAL

ESTA VISITA É FROITO DO LABOR REALIZADO POR PUERTO E IGAPE, DE PROMOCIÓN DE FERROL E A SÚA INFRAESTRUTURA PORTUARIA A NIVEL MUNDIAL, EN ESPECIAL AO MERCADO CHINÉS

O empresario chinés Marco Wang, presidente da Asociación para a Cooperación Económica e Tecnolóxica entre España e China, visitou esta mañá o Porto Exterior de Ferrol onde puido comprobar in situ a capacidade e magnitude da rada.

Wang, que se dedica entre outros negocios ás enerxías renovables e a reciclaxe e está a traballar na creación da Cámara de Comercio China en España, visita Ferrol debido ao seu interese por coñecer de preto as posibilidades e as vantaxes que ofrece a bisbarra ferrolana para o asentamento empresarial.

O presidente da Autoridade Portuaria de Ferrol-San Cibrao, Ángel del Real, mostrou expresamente o empresario, membro da Asemblea Popular China, a capacidade da terminal exterior, dentro dunha visita á zona coordinada pola oficina do Plan Ferrol del Igape.

Marco Wang, que preside o xornal chinés editado en España "O Mandarín", visitou tamén durante a súa xornada na cidade de Ferrol a superficie industrial que ofrece a bisbarra, en especial o polígono Das somozas.

Este encontro, que contou coa participación de Alejandro Langtry, director do Plan Ferrol, é froito do esforzo realizado pola Autoridade Portuaria de Ferrol dentro da estratexia de promoción da rada exterior que está a levar a cabo a nivel mundial, en especial no mercado chinés, sempre co apoio do Igape.