A Autoridade Portuaria de Ferrol-San Cibrao inaugurou esta mañá o novo Centro de Control de Accesos do Porto Exterior de Prioriño (CCA). Con motivo da entrada en servizo do edificio levouse a cabo un sinxelo acto que contou coa presenza do presidente, Ángel del Real-xunto a outros representantes do porto- e a bendición dun sacerdote.
O Centro de Control de Accesos, consta dun edificio dunha planta con dúas partes independentes. A área principal está dedicada a zona de control da policía portuaria e conta cunha sala común que dispón dun escáner e un arco detector. Alberga tamén sistemas para a xestión tanto do lector de matrículas coma do panel informativo electrónico. A segunda zona, reservada para a Garda Civil, está dotada dunha superficie de control e unha área para usos de oficina.
A tecnoloxía empregada no CCA do Porto Exterior é a necesaria para o correcto funcionamento dos equipos de inspección e control de vehículos, persoas e obxectos respondendo ás normas do código PBIP (Protección de Buques e Instalacións Portuarias):
- Panel Informativo para a mostra de mensaxes variables
- Semáforos e barreiras para o control de acceso de vehículos, con recoñecemento de matrículas e apertura automática a vehículos autorizados
- Zona a cuberto para inspección de vehículos
- Escáner e arco detector
- Sistema CCTV (Circuíto Pechado de Televisión)
- Rede informática inarámica
Ferrol, 10 novembro 2010. A Autoridade Portuaria de Ferrol-San Cibrao inaugurou esta mañá o novo Centro de Control de Accesos do Porto Exterior de Prioriño (CCA). Con motivo da entrada en servizo do edificio levouse a cabo un sinxelo acto que contou coa presenza do presidente, Anxo do Real -xunto a outros representantes do porto- e a bendición dun sacerdote.
O Centro de Control de Accesos, consta dun edificio dunha planta con dúas partes independentes. A área principal está dedicada a zona de control da policía portuaria e conta cunha sala común que dispón dun escáner e un arco detector. Alberga tamén sistemas para a xestión tanto do lector de matrículas coma do panel informativo electrónico. A segunda zona, reservada para a Garda Civil, está dotada dunha superficie de control e unha área para usos de oficina.
A tecnoloxía empregada no CCA do Porto Exterior é a necesaria para o correcto funcionamento dos equipos de inspección e control de vehículos, persoas e obxectos respondendo ás normas do código PBIP (Protección de Buques e Instalacións Portuarias):
- Panel Informativo para a mostra de mensaxes variables
- Semáforos e barreiras para o control de acceso de vehículos, con recoñecemento de matrículas e apertura automática a vehículos autorizados
- Zona a cuberto para inspección de vehículos
- Escáner e arco detector
- Sistema CCTV (Circuíto Pechado de Televisión)
- Rede informática inarámica
O proxecto, cuxo investimento ascendeu a 1,38 millóns de euros, incluíu tamén o cerramento e valado físico do Porto Exterior en Punta Barbeira e Cariño; a reformulación e execución de dous viais de entrada e dous de saída da instalación portuaria, ademais da urbanización do terreo do ámbito das instalacións, medianas e glorietas.
No edificio, proxecto para o que se contou con fondos do Plan de Reindustrialización do Ministerio de Industria (Plan Ferrol), traballarán de xeito permanente un equipo composto por dous policías portuarios por quenda. Ademais, estará operativo durante as 24 horas do día, 365 días ao ano. É unha infraestrutura clave para a seguridade do Porto Exterior.
